सकाळ डिजिटल टीम
ड्रॅगन फ्रूट हे पोषक तत्वांनी भरलेले, चविष्ट आणि आकर्षक दिसणारे फळ आहे. परंतु त्याचे जास्त सेवन केल्यास शरीरावर काही नकारात्मक परिणाम होऊ शकतात. चला, ड्रॅगन फ्रूट खाण्याचे तोटे जाणून घेऊया..
काही लोकांना ड्रॅगन फ्रूटची अ‍ॅलर्जी असू शकते, ज्यामुळे त्वचेवर पुरळ उठणे, सूज येणे आणि इतर समस्या उद्भवतात.
ड्रॅगन फ्रूटमधील जास्त फायबरमुळे गॅस, पोटफुगी, पोटदुखी किंवा अस्वस्थता निर्माण होऊ शकते. विशेषतः जास्त प्रमाणात खाल्ल्यास हा त्रास वाढतो.
या फळात साखरेचे प्रमाण जास्त असल्याने मधुमेहाच्या रुग्णांनी याचे सेवन काळजीपूर्वक करावे, कारण रक्तातील साखरेची पातळी वाढण्याचा धोका असतो.
जास्त प्रमाणात ड्रॅगन फ्रूट खाल्ल्याने कॅलरीज वाढतात, ज्यामुळे वजन लवकर वाढू शकते आणि लठ्ठपणाचा धोका निर्माण होतो.
ड्रॅगन फ्रूट बद्धकोष्ठता कमी करण्यास मदत करत असले, तरी जास्त प्रमाणात खाल्ल्यास मल खूप मऊ होऊन अतिसार होऊ शकतो.
या फळात पोटॅशियम जास्त प्रमाणात असल्याने मूत्रपिंडाच्या समस्या असलेल्या लोकांनी याचे सेवन टाळावे, कारण ते मूत्रपिंडांवर अतिरिक्त दबाव टाकू शकते.