Pranali Kodre
ऑस्ट्रेलिया आणि श्रीलंका संघात कसोटी मालिकेला २९ जानेवारीपासून सुरुवात झाली असून पहिला सामना गॉलला खेळला जात आहे.
या सामन्याआधी ऑस्ट्रेलियाचा फलंदाज स्टीव्ह स्मिथ मोठ्या विक्रमाच्या उंबरठ्यावर होता. त्याला यासाठी फक्त एका धावेची गरज होती.
तो ३१ व्या षटकात फलंदाजीला आला आणि त्याने पहिलाच चेंडू खेळताना पहिली धाव काढली.
याबरोबरच स्मिथने कसोटीमध्ये १०००० धावांचा टप्पा पार केला.
स्मिथ १० हजार कसोटी धावा करणारा जगातील १५ वा खेळाडू आहे, तर ऑस्ट्रेलियाचा चौथा खेळाडू ठरेल.
तो या सामन्यापूर्वी बॉर्डर-गावसकर ट्रॉफी २०२४-२५ मालिका संपली तेव्हा ९९९९ धावांवर होता. त्यामुळे त्याची १० हजारावी धाव पूर्ण करण्यासाठी श्रीलंका दौऱ्याची वाट पाहायला लागली.
दरम्यान, त्याची ही १० हजारावी धाव पाहाण्यासाठी काही चाहते ऑस्ट्रेलियावरून श्रीलंकेला तब्बल ८३५८ किमी प्रवास करून आले आहेत.
याबद्दल त्या चाहत्यांनी स्टेडियममध्ये पोस्टर झळकावत माहिती दिली. महत्त्वाचे म्हणजे त्यांचा हा प्रवास वाया गेलेला नाही, कारण स्मिथने १० हजार धावा पूर्ण केल्या आहेत.