कार्तिक पुजारी
फ्रान्स सरकारने अत्यंत महत्त्वाचा निर्णय घेतला आहे. गर्भपात करणे हा महिलांचा मूलभूत अधिकार ठरवण्यात आला आहे.
विशेष म्हणजे असं करणारा फ्रान्स हा जगातील पहिला देश ठरला आहे.
संसदेच्या संयुक्त मतदानात खासदार आणि सिनेटर यांनी ७८० विरुद्ध ७२ अशा फरकाने या दुरुस्तीच्या बाजूने कौल दिला.
फ्रान्समध्ये महिलांच्या हक्कासाठी लढणाऱ्या गटाने याचे स्वागत करत जल्लोष केलाय.
फ्रान्समधील गर्भपात महिला कार्यकर्त्या सेंट्रल पॅरिस येथे जमा झाल्या होत्या. त्यांच्या हातामध्ये 'माय बॉडी माय चॉईस' असे लिहिलेले पोस्टर दिसत होते.
सोमवारी कलम ३४ मध्ये दुरुस्ती करुन गर्भपात हा मूलभूत अधिकार करण्यात आलाय.
अमेरिकेमध्ये २०२२ मध्ये एका निर्णयात गर्भपाताचा अधिकार काढून घेण्यात आला होता. त्यानंतर फ्रान्समध्ये गर्भपाताला मूलभूत अधिकार करण्यासाठी चळवळ सुरु झाली.