पेरूची चटणी कधी खाल्लीय का? जाणून घ्या रेसिपी

पेरूची चटणी

तुम्ही पेरू हे फळ वेगवेगळ्या प्रकारे खाल्लं असेल. पेरूची फ्रूट चाट किंवा ज्यूसही प्यायला असेल. पण तुम्ही कधी पेरूची चटणी खाल्ली आहे का?

सोपी रेसिपी

आज आपण पेरूची चटणी बनवण्याची सोपी आणि १० मिनिटांत तयार होणारी रेसिपी जाणून घेणार आहोत.

साहित्य

१ मोठा पेरू, १ हिरवी मिरची, थोडी कोथिंबीर, आलं, १ चमचा जिरे, लिंबाचा रस, चाट मसाला, साखर आणि मीठ चवीनुसार.

पेरू धुवून घ्या

सर्वात आधी पेरू स्वच्छ धुवून घ्या. त्यानंतर त्याची साल काढून त्याचे छोटे तुकडे करा.

सर्व साहित्य एकत्र करा

पेरूचे तुकडे, हिरवी मिरची, कोथिंबीर, आलं, जिरे, चाट मसाला, मीठ आणि साखर मिक्सरच्या भांड्यात घाला.

चटणी वाटून घ्या

सर्व साहित्य मिक्सरमध्ये बारीक वाटून घ्या. पेरूमध्ये ओलावा असल्यामुळे सुरुवातीला पाणी घालू नका. चटणी बारीक वाटल्यानंतर त्यात १ ते २ चमचे लिंबाचा रस घालून एकत्र करा.

चटणी सर्व्ह करा

तयार चटणी एका बाऊलमध्ये काढून घ्या. तुमची आंबट, गोड, तिखट आणि चटपटीत पेरूची चटणी तयार आहे. ही चटणी भाकरी, चपाती आणि भातासोबत छान लागते.

'ही' आहेत जगातील सर्वात विषारी फळे; चुकूनही खाण्याचा करू नका प्रयत्न