Monika Lonkar –Kumbhar
आपल्या केसांमुळे आणि चेहऱ्यामुळे व्यक्तिमत्व आकर्षक दिसण्यास मदत होते. त्यामुळे, त्वचेसोबतच केसांची ही काळजी घेणे फार महत्वाचे आहे.
आजकाल हेअर स्टायलिंग करण्याचे महिलांमध्ये प्रमाण वाढले आहे.
अनेक महिला हेअर स्टायलिंग आणि कलरिंग करण्यावर भर देत आहेत.
मात्र, सतत हेअर स्टायलिंग आणि कलरिंग केल्यामुळे केस खराब होण्याची शक्यता असते. यासोबतच केसांची चमक देखील जाते. केसांच्या या समस्या रोखण्यासाठी आणि केसांची चमक मिळवण्यासाठी तुम्ही काही नैसर्गिक हेअर मास्कची मदत घेऊ शकता. या हेअर मास्कमुळे केसांना अंतर्गत पोषण मिळते आणि केसांना सुंदर चमक देखील येते.
ओटमील हे आरोग्यासोबतच आपल्या केसांसाठी आणि त्वचेसाठी देखील फायदेशीर आहे. हे तुम्हाला माहित आहे का? या ओटमीलपासून आणि नारळाच्या तेलापासून तुम्ही हेअर मास्क बनवू शकता.
सर्वात आधी ओटमील पाण्यात भिजवा आणि मिक्सरला बारीक करून घ्या. आता या पेस्टमध्ये खोबरेल तेल मिसळा. त्यानंतर, केसांना हा हेअर मास्क लावा. ४०-४५ मिनिटांनंतर केस थंड पाण्याने धुवून टाका.
या हेअरमास्कमुळे तुमच्या केसांना चमक तर मिळेलच शिवाय, केसांच्या समस्या दूर होण्यास मदत होईल.