Monika Lonkar –Kumbhar
उन्हाळा सुरू झाला की मार्केटमध्ये मोठ्या प्रमाणात कलिंगडाची आवक होते. लहानांपासून ते मोठ्यांपर्यंत सर्वांना कलिंगड खायला आवडते.
कलिंगडामध्ये फायबर्सचे आणि पाण्याचे भरपूर प्रमाण आढळून येते.
भरपूर पोषकतत्वांनी युक्त असलेले हे कलिंगड आपल्या आरोग्यासाठी अतिशय फायदेशीर आहे. त्याचे इतर आरोग्यदायी फायदे जाणून घेऊयात.
कलिंगडाचे सेवन केल्याने शरीरातील खराब कोलेस्ट्रॉलची निर्मिती रोखता येते. कलिंगड हे हृदयविकाराचा धोका कमी करू शकते.
कलिंगड खाल्ल्याने रोगप्रतिकारक शक्ती मजबूत होते. यामध्ये असलेले व्हिटॅमिन सी रोगप्रतिकारक शक्ती मजबूत करण्यास मदत करते. याशिवाय यामध्ये असलेले फायबर आतडी निरोगी ठेवण्याचे काम करते.
कलिंगडामध्ये फायबर्सचे आणि पाण्याचे भरपूर प्रमाण असते. त्यामुळे, कलिंगडाचे सेवन केल्याने पोट भरलेले राहते. फार काळ भूक लागत नाही. त्यामुळे, वजन नियंत्रित राहण्यास मदत होते.
कलिंगडाच्या बिया आणि कलिंगड हे हाडांसाठी उत्तम असते. यामध्ये ओमेगा ३ फॅटी ॲसिड, प्रोटीन, झिंक, फोलेट, पोटॅशियम आणि कॉपर मुबलक प्रमाणात आढळते. त्यामुळे, हाडांना बळकटी मिळते.