Monika Lonkar –Kumbhar
राज्यातील पर्यटकांचे आवडते पर्यटनस्थळ म्हणजे काझीरंगा राष्ट्रीय उद्यान (Kaziranga National Park) होय. येथील वन्यजीव प्राण्यांसाठी हे राष्ट्रीय उद्यान जगभरात प्रसिद्ध आहे. या उद्यानाचे आणखी एक वैशिष्ट्य म्हणजे येथील एक शिंगी गेंडा.
१९०५ मध्ये काझीरंगा राष्ट्रीय उद्यानाची स्थापना ही आरक्षित जंगल म्हणून करण्यात आली होती. त्यानतंर, १९७४ मध्ये या जंगलाला राष्ट्रीय उद्यान म्हणून घोषित करण्यात आले.
१९८५ मध्ये युनेस्कोने काझीरंगा राष्ट्रीय उद्यानाचा जागतिक वारसा स्थळांच्या यादीत समावेश केला आहे.
काझीरंगा राष्ट्रीय उद्यान हे आसाममधील अनेक जिल्ह्यांमध्ये पसरले आहे. आसाममधील सर्वात जुने राष्ट्रीय उद्यान म्हणून हे प्रामुख्याने ओळखले जाते. हे उद्यान जवळपास ४३० चौरस किलोमीटर परिसरात पसरलेले आहे.
काझीरंगा राष्ट्रीय उद्यानाला बिग फाईव्ह असे ही संबोधले जाते. या उद्यानात तुम्हाला बंगाल वाघ, एक शिंगी गेंडा, वाइल्डबीस्ट आणि जंगली म्हैस देखील पहायला मिळतील. त्यामुळेच, या उद्यानाला बिग फाईव्ह असे म्हटले जाते.
काझीरंगा उद्यानात गेल्यावर तुम्ही हत्ती सफारीचा ही आनंद घेऊ शकता. हे उद्यान साधारणपणे ४ झोनमध्ये विभागले गेले आहे
२००७ मध्ये या उद्यानाला व्याघ्र प्रकल्प म्हणून जाहीर करण्यात आले.