सकाळ डिजिटल टीम
आजकाल हृदयविकाराच्या (Heart Attack) समस्या झपाट्याने वाढत आहेत. अनेकांना अकाली मृत्यूला सामोरे जावे लागत आहे.
फार कमी वेळा असं घडतं, की हृदयविकाराचा झटका कोणत्याही लक्षणांशिवाय अचानक येतो. असे अनेक संकेत आपल्या शरीरात महिन्याभरापूर्वीच दिसू लागतात.
दुर्दैवाने, आपण या संकेतांकडे दुर्लक्ष करतो आणि याचा थेट परिणाम आपल्या आरोग्यावर होतो. चला जाणून घेऊया, हृदयविकाराची ती लक्षणे, जी वेळेवर ओळखली तर जीव वाचवू शकतात.
बसताना किंवा उठताना डोळ्यासमोर अंधार पडणे, चक्कर येणे हे सामान्य नाही.
हृदयाच्या अशक्तपणाचे हे एक महत्त्वाचे लक्षण असू शकते.
याचा अर्थ हृदयातून शरीरभर योग्यरित्या रक्तपुरवठा होत नाही.
पायांमध्ये सातत्याने सूज येणे हेही धोक्याचे लक्षण आहे.
याचा अर्थ रक्ताभिसरण व्यवस्थित होत नाही आणि शरीरात पाणी साचते.
हे हृदय निकामी होण्याचे सुरुवातीचे संकेत असू शकतात.
कोणतेही जड शारीरिक काम न करता देखील सतत थकवा जाणवणे हे हृदयाच्या कार्यक्षमतेशी निगडित आहे.
जेव्हा हृदय योग्य प्रमाणात रक्त आणि ऑक्सिजन स्नायूंना पोहोचवू शकत नाही, तेव्हा थकवा जाणवतो.
हे लक्षण गांभीर्याने घेणे आवश्यक आहे.
शरीर हृदयविकाराचा इशारा लवकरच देत असते. फक्त आपण त्या संकेतांकडे लक्ष देण्याची गरज आहे. यापैकी कोणतेही लक्षण सतत जाणवत असल्यास तातडीने हृदयतज्ज्ञांचा सल्ला घ्या आणि आवश्यक तपासण्या करा.