Monika Shinde
ढोकळा हा फक्त नाश्ता नसून, एक आरोग्यदायी, झटपट व चवदार पर्याय आहे. विविध प्रकारच्या धान्यांपासून आणि भाज्यांपासून तयार होणारे हे ढोकळे खवय्यांसाठी नेहमीच आवडते असतात. चला तर मग जाणून घेऊया वेगवेगळ्या प्रकारचे ढोकळे जे तुम्ही सहज घरी बनवू शकता.
हरभऱ्याच्या पिठापासून (बेसन) बनवलेला खमण ढोकळा हलका, मऊ आणि थोडा आंबटसर असतो. तो वाफवून तयार केला जातो, आणि नंतर त्यावर मोहरी व हिरव्या मिरच्या फोडणी दिली जाते. कोथिंबीर आणि खोबरं घालून सजवला जातो.
रवा (सूजी) वापरून बनवलेला हा झटपट ढोकळा आंबवण्याची गरज नसते. तो हलका, फसफसता असतो आणि दही व सोड्यामुळे लगेच फुगतो, म्हणूनच तो झटपट नाश्त्यासाठी योग्य पर्याय आहे.
तांदूळ आणि उडीद डाळीच्या आंबवलेल्या पिठापासून बनणारा हा ढोकळा अधिक आंबट चव असलेला असतो. हा पांढऱ्या रंगाचा ढोकळा हिरव्या चटणीसह व मोहरी फोडणीसह दिला जातो.
गाजर किसून त्याचे पीठात मिश्रण करून बनवलेला गाजर ढोकळा पौष्टिकतेने भरलेला असतो. त्याचा गोडसर चव व रंग मुलांना खूप आवडतो.
उरलेला भात वापरून बनवलेला हा ढोकळा म्हणजे अन्नाचा पुनर्वापर करत केलेली एक स्वादिष्ट कल्पना. थोडं बेसन, दही घालून मऊसर व हलका ढोकळा तयार होतो.
या ढोकळ्याचे दोन थर असतात. पांढरा (खट्टा ढोकळा) आणि पिवळा (खमण ढोकळा). मधे एखादी चटणी लावून त्याचे थर तयार केल्याने तो चविष्ट आणि देखणे दिसतो. पार्टीसाठी व सणांसाठी योग्य पर्याय.
बीटरूटचा रस वापरून बनवलेला हा ढोकळा लालसर व उठावदार रंगाचा असतो. यामुळे पोषणमूल्ये वाढतात आणि चवही थोडीशी गोडसर लागते. आरोग्यपूर्ण आणि आकर्षक पर्याय.
स्लिप डिस्कची सुरुवातीची लक्षणे कोणती?