सकाळ डिजिटल टीम
थंड की गरम? नेमके कोणते दूध आरोग्यासाठी चागले आहे आणि थंड दूध पिल्यास कोणते फायदे मिळतात व गरम दूध पिल्यास कोणते फायदे मिळतात जाणून घ्या.
रात्री झोपण्यापूर्वी गरम दूध प्यायल्यास चांगली झोप लागण्यास मदत होते. दुधामध्ये 'ट्रिप्टोफॅन' नावाचे अमिनो अॅसिड असते, जे 'सेरोटोनिन' आणि 'मेलाटोनिन' हार्मोन्स तयार करण्यास मदत करते. हे हार्मोन्स झोपेसाठी आवश्यक असतात.
गरम दूध पचायला सोपे असते. ज्यांना पचनाची समस्या आहे, त्यांना थंड दुधापेक्षा गरम दूध अधिक फायदेशीर ठरू शकते.
सर्दी किंवा खोकला झाला असेल, तर गरम दूध एक उत्तम उपाय आहे. हळद घालून गरम दूध प्यायल्यास घसादुखी आणि सर्दीच्या लक्षणांपासून आराम मिळण्यास मदत होते.
गरम दूध कॅल्शियम आणि व्हिटॅमिन डीचा चांगला स्रोत आहे, जे हाडांना मजबूत बनवण्यासाठी फायदेशीर मानले जाते.
थंड दूध ऍसिडिटी आणि छातीत होणाऱ्या जळजळीसाठी एक प्रभावी घरगुती उपाय मानले जाते. त्यात असलेले कॅल्शियम हे ऍसिड तयार होण्यापासून थांबवते.
उष्णतेच्या दिवसांत थंड दूध प्यायल्यास शरीराचे तापमान नियंत्रित राहण्यास मदत मिळते.
थंड दूध हे एक उत्तम हायड्रेटिंग पेय आहे, जे शरीरातील पाण्याची कमतरता भरून काढण्यासाठी फायदेशीर मानले जाते.
तुम्हाला चांगली झोप, पचनक्रिया सुधारणे आणि सर्दीपासून आराम हवा असेल, तर गरम दूध अधिक उपयुक्त आहे. तुम्हाला ऍसिडिटीची समस्या असेल, वजन कमी करायचे असेल किंवा उन्हाळ्यापासून आराम हवा असेल, तर थंड दूध तुमच्यासाठी चांगले आहे.