AQI नेमका कसा मोजतात?

AQI म्हणजे काय?

AQI म्हणजे हवेची गुणवत्ता मोजण्याचा निर्देशांक. याच्या मदतीने हवा किती स्वच्छ किंवा प्रदूषित आहे, हे एका आकड्यात समजतं.

आठ प्रदूषकांची तपासणी

AQI मोजताना PM2.5, PM10, ओझोन, कार्बन मोनॉक्साइड, नायट्रोजन डायऑक्साइड यांसह आठ प्रदूषकांचं प्रमाण तपासलं जातं.

यंत्रांद्वारे नोंद

शहरातील वेगवेगळ्या निरीक्षण केंद्रांवर खास उपकरणं बसवलेली असतात. त्यांच्या मदतीने हवेतल्या प्रदूषकांचं प्रमाण मोजलं जातं.

स्वतंत्र हिशेब

हवेतल्या प्रत्येक प्रदूषकासाठी स्वतंत्र सब-इंडेक्स काढला जातो. त्यासाठी मोजलेलं प्रमाण आणि ठरवलेल्या मर्यादा विचारात घेतल्या जातात.

ठरावीक वेळेची माहिती

AQI मोजण्यासाठी काही प्रदूषकांची २४ तासांची, तर काहींची आठ तासांची सरासरी घेतली जाते. किमान १६ तासांची माहिती आवश्यक असते.

AQI कसा ठरतो

सर्व प्रदूषकांचे स्वतंत्र आकडे काढल्यानंतर त्यांची तुलना होते. यापैकी सर्वाधिक सब-इंडेक्स असलेला आकडा अंतिम AQI ठरतो.

AQI चे सहा स्तर

हवेची गुणवत्ता सहा गटांत विभागली जाते. ० ते ५० चांगली, तर ४०१ ते ५०० गंभीर प्रदूषणाची पातळी दर्शवते.

आवश्यक माहिती

AQI काढण्यासाठी किमान तीन प्रदूषकांची माहिती लागते. त्यापैकी एक PM2.5 किंवा PM10 असणं आवश्यक आहे.

गव्हाच्या पिठाला एक्सपायरी असते का?