पालकाची पातळ भाजी, ट्राय करा सोपी रेसिपी

पालकाची गरगटी भाजी

पालकची रस्सा भाजी (गरगटी भाजी) बनवणं एकदम सोपं आणि पौष्टिक देखील आहे.

कशी बनवायची?

पालकाच्या गरगटी भाजी कशी बनवायची जाणून घेऊ.

साहित्य

पालकाची जुडी, २-३ चमचे हरबरा किंवा मुग डाळ, बेसन, लसून, हिरवी मिरची (आवडीनुसार), हिंग, हळद, तेल, मीठ, पाणी.

चिरुन घेऊन शिजवा

पालक धूतल्यानंतर निवडून बारीक चिरून घ्या. ही चिरलेली पालक आणि चणा किंवा मुग डाळ थोडं पाणी टाकून कुकरमध्ये किंवा कढईत शिजवून घ्या.

मिरची-लसानीची पेस्ट

हिरवी मिरची आणि लसनाची बारीक पेस्ट करा, ही पेस्ट शिजलेल्या पालकात टाका आणि मग थोडी भाजी थंड झाल्यानंतर रवीने व्यवस्थित घोटून घ्या.

फोडणी

त्यानंतर कढईत तेल टाकून त्यात लसून ठेचून टाका. त्यात गरजेनुसार थोडी हळद, मीठ आणि हिंग घाला. या फोडणीत नंतर घोटलेला पालक टाका.

बेसनाचं पाणी

तसेच एका लहान वाटीत २ चमचे बेसन घेऊन गुठळ्या न होऊ देता कालवून घ्या. हे बेसन फोडणीत टाकलेल्या पालकाच्या भाजीत टाका.

उकळी येऊ द्या

त्यानंतर भाजीला आवश्यक असेल, तर त्यात थोडं पाणी घालू शकता. भाजीला मध्यम आचेवर ५ ते ७ मिनिटे छान उकळी येऊ द्या.

घ्या आस्वाद

त्यानंतर ही भाजी भाकरी, भात किंवा चपातीसोबत खाऊ शकता.

मेथीची रस्सा भाजी खाल्ली का? एकदम सोपी रेसिपी