छोट्या बाल्कनीत वांग्याचे झाड कसे उगवावे?

बाल्कनीत वांग्याचे झाड

छोट्या बाल्कनीतही वांग्याचे झाड लावणे अतिशय सोपे आहे.

कुंडी

वांग्याच्या झाडाची मुळे खोलवर जात असल्यानं कुंडी किमान १२ ते १५ इंचाची असू द्या. १५x१५ इंच आकाराची ग्रो बॅग (Grow Bag) देखील उत्तम पर्याय आहे. तसेच कुंडीच्या खाली छिद्र असावं.

पोषक माती

चांगल्या निचऱ्याची आणि पोषक माती वांग्याच्या झाडाला लागते.

मातीचे मिश्रण

५०% बागेतील माती (Garden Soil), ३०% सेंद्रिय खत (गांडूळ खत/कुजलेले शेणखत), २०% कोकोपीट किंवा वाळू, १-२ मूठ कडुनिंबाची पेंड असे साधारण मातीचे मिश्रण असावे.

रोप

वांग्याच्या बिया साधारण १ सेमी खोल लावा आणि माती थोडी ओलसर ठेवा. साधारण एक-दोन आठवड्यात रोप उगवते.

सूर्यप्रकाश

वांग्याच्या झाडाला किमान ५ ते ६ तास थेट सूर्यप्रकाशाची गरज असल्याने जिथे ऊन चांगले येते, तिथे हे रोप ठेवा.

पाणी

कुंडीत फार पाणी साचू देऊ नका, जर मातीचा वरचा थर सुकलेला दिसला, तर पाणी द्या. उन्हाळ्यात मात्र सकाळी किंवा संध्याकाळी पाणी द्या.

पोषण

वांग्याला चांगल्या पोषणाची गरज असल्याने दर १५ - २० दिवसांनी १-२ मूठ कंपोस्ट/गांडूळ खत द्या.

केळ्याच्या सालीचे पाणी किंवा ताक

फुले आणि फळे येण्याच्या काळात केळ्याच्या सालीचे पाणी किंवा ताक मातीत टाकल्याचाही फायदा होतो.

आधार

झाड मोठं झाल्यानंतर त्याला थोडा आधार द्या.

कीड नियंत्रण

वांग्याच्या झाडाला कीड लागू नये म्हणून दर १५ दिवसांनी १ लिटर पाण्यात ५ मिली कडुनिंबाचे तेल आणि २-३ थेंब लिक्विड सोप टाकून झाडावार फवारणी करा.

दोन महिन्यात वांगी

वांग्याच्या झाडाला साधारण ६० ते ७० दिवसांत वांगी लागतात.

जगातील सर्वात तिखट मिरची कोणती?