कुंडीत हळद लावायची? सोपी पद्धत जाणून घ्या

हळद (Turmeric)

हळद घरच्या घरी कुंड्यांमध्ये किंवा बागेत किंवा बाल्कनीत हळद उगवणे अतिशय सोपे आहे.

हळकुंडाची निवड

बाजारातून किंवा नर्सरीतून मोठे डोळे (मोड)(Sporots)असलेले ताजे हळकुंड निवडता, कारण ते लवकर रुजतात.

कुंडी (Pot)

हळदीसाठी १२ ते १५ इंच खोल व रुंद कुंडी किंवा ग्रो बॅग निवडा, त्याला खाली पाण्याच्या निचऱ्यासाठी छिद्र असेल याची काळजी घ्या.

मातीचे मिश्रण (Soil)

५०% बागेतील माती + ३०% वर्मीकंपोस्ट (किंवा शेणखत) + २०% वाळू किंवा नारळाचा भुसा (कोकोपीट)असे मातीचे मिश्रण ठेवा.

पेरणी (Planting)

मोड आलेला भाग वरच्या बाजूला ठेवून हळकुंड २ -३ इंच खोल मातीत पुरा. एका कुंडीत २-३ हळकुंडं अंतरावर लावू शकता.

पाणी (Watering)

पुरलेल्या हळकुंडावर वर माती टाकून हलके पाणी द्या. त्यानंतर मातीतील ओलावा पाहूनच पाणी द्या. जास्त पाणी दिल्यास हळकुंडाचे गड्डे कुजण्याची शक्यता असते.

सूर्यप्रकाश (Sunlight)

हळदीला रोज ५ ते ६ तास चांगल्या सूर्यप्रकाशाची गरज असते, त्यामुळे कुंडी अशाच ठिकाणी ठेवा जिथे चांगला सूर्यप्रकाश येतो.

खत

हळदीच्या झाडाला महिन्यातून एकदा मूठभर शेणखत किंवा वर्मीकंपोस्ट द्या.

रोप

साधारण ३ आठवड्यात हळदीची पानं मातीतून वर येऊ लागतात.

८ ते ९ महिन्याचा काळ

हळद तयार होण्यासाठी ८ ते ९ महिने साधारण लागतात. पानं पिवळी पडून वाळायला लागली की समजावे हळद काढणीसाठी तयार आहे.

वापरासाठी हळद तयार

झाड मुळासकट उपटून ताजी हळद स्वच्छ धुवून वापरू शकता.

उत्तम काळ

हळद लावण्यासाठी उन्हाळ्याचा शेवट किंवा पावसाळ्याची सुरुवात हा काळ उत्तम मानला जातो.

पानांचाही वापर

हळद हा भारतीय स्वयंपाक घरातील महत्त्वाचा घटक असून याच्या झाडाच्या पानांचाही पदार्थ वाफवण्यासाठी आणि पदार्थांना सुगंध देण्यासाठी वापर होतो. उदा. पातोळ्यांसाठी हळदीची पानं वापरली जातात.

झाडं स्वत:चं अन्न कसं तयार करतात?