पावसाळ्यात अशी बनवा झटपट गरमागरम कुरकुरीत 'ही' भजी!

पालकाची पाने स्वच्छ धुणे

सर्वप्रथम ताज्या पालकाची पाने पाण्यात स्वच्छ धुवून त्यातील सर्व पाणी पूर्णपणे निथळून घ्यावे आणि पाने मोठी असल्यास त्याचे दोन समान भाग करावेत.

भजी कुरकुरीत करण्यासाठी

एका मोठ्या भांड्यात बेसन घेऊन त्यात कुरकुरीतपणा येण्यासाठी २ चमचे तांदळाचे पीठ, लाल तिखट, हळद, ओवा, हिंग आणि चवीनुसार मीठ एकत्र करावे.

पिठामध्ये थोडे थोडे पाणी घालून

तयार मसाल्यांच्या मिश्रणात थोडे थोडे पाणी घालून भजीसाठी मध्यम घट्ट असे गुठळ्या नसलेले पिठाचे (Batter) मऊ मिश्रण तयार करून घ्यावे.

कढईत तेल चांगले गरम करणे

बॅटर तयार झाल्यावर गॅसवर एक कढई ठेवून त्यामध्ये भजी तळण्यासाठी तेल मध्यम आचेवर चांगले गरम करण्यासाठी ठेवावे.

पालकाचे पान तयार पिठात

आता पालकाचे एक-एक पान घेऊन ते तयार पिठात पूर्णपणे बुडवून पानाला सर्व बाजूंनी पीठ व्यवस्थित लागेल याची नीट खात्री करून घ्यावी.

गरम तेलात पाने सोडून

गरम तेलामध्ये ही पीठ लावलेली पाने अतिशय सावधपणे सोडावीत आणि दोन्ही बाजूंनी छान सोनेरी रंग व कुरकुरीतपणा येईपर्यंत मध्यम आचेवर तळून घ्यावीत.

सॉस किंवा चहासोबत सर्व्हिंग

तळलेली भजी टिश्यू पेपरवर काढून अतिरिक्त तेल निथळावे आणि पावसाळी वातावरणात गरमागरम भजी चहा, हिरवी चटणी किंवा टोमॅटो सॉससोबत खाण्यासाठी सर्व्ह करावी.

सकाळी रिकाम्या पोटी तुळशीचे पाणी प्या! अनेक आजारांपासून राहाल दूर