मुलांच्या आवडीची श्रीखंडाची गोळी बनवा घरीच

लहानपणीची आठवण

अनेकांनी लहानपणी श्रीखंडाची गोळी खाल्ली असेल. गोड-आंबट चव असणारी ही गोळी घरीही बनवू शकतो.

साहित्य

अर्धा किलो दही, तूप,१०० ग्रॅम साखर, १७५ ग्रॅम पिठीसाखर, एक चमचा वेलची पुड, खाण्याचा केशरी रंग

चक्का

दही पातळ कापड्यात घेऊन ते कापड घट्ट बांधून रात्रभर ठेवा म्हणजे दह्यापासून चक्का तयार होईल.

चक्का आणि साखर एकत्र शिजवा

त्यानंतर एका पातेल्यात हा चक्का आणि साखर खालून शिजायला ठेवत ते ढवळत राहा.

मिश्रण एकजीव होईपर्यंत शिजवा

साधारण १०-१५ मिनिटांनी साखर विरघळल्यानंतर त्याल वेलची पुड आणि केशरी रंग घाला. हे मिश्रण पूर्ण एकजीव होईपर्यंत शिजवा.

गोळा

हे मिश्रण खोलगट भांड्यात काढून घेतल्यानंतर त्यात थोडीथोडी पिठीसाखर घाला, ज्यामुळे गोळा थोडा कोरडा होईल.

श्रीखंडाच्या गोळ्या

त्यानंतर एका ताटाला तूप लावून त्यावर हे मिश्रण पातळ थापा आणि छोटे गोल आकार किंवा आवडीचे आकार पाडा. झाल्या श्रीखंड्याच्या गोळ्या तयार

Video: 'बोलो तारा रा रा' अभिषेक शर्माचा दिवाळीनिमित्त कुटुंबासोबत भन्नाट डान्स