Mansi Khambe
सध्याच्या डिजिटल युगात जगभरात ऑनलाइन पेमेंट केले जाते. १०-२० रुपयांच्या वस्तू खरेदीतही अनेकजण gpay, phone payचा वापर करत आहेत.
एखाद्याशी मोठ्या रक्कमेचा व्यवहार करत असताना बहुतेक प्रसंगी चेक दिला जातो. मात्र अनेकदा बनावट चेकचा व्यवहार करून फसवणूकीचे प्रकार उघडकीस आले आहेत.
चेक उशिरा बँकमध्ये दिल्यास किंवा त्यावर कोणतीही चूक आढळल्यास चेक बाउन्स होतो. मात्र करोडो किंवा लाखो रुपयांचा बनावट चेक बाउन्स झाल्यास त्या व्यक्तीला कठोर शिक्षा भोगावी लागते.
यावेळी, छोट्या रकमेचा चेक बाउन्स झाल्यास कठोर शिक्षा किंवा तुरुंगात जाता येते का? असा अनेकांना प्रश्न पडतो. जाणून घ्या याबाबतची सविस्तर माहिती
चेक बाउन्स होणे हा निगोशिएबल इन्स्ट्रुमेंट्स अॅक्ट १८८१ च्या कलम १३८ अंतर्गत गुन्हा आहे. यामध्ये दोषी आढळल्यास त्याला दोन वर्षांपर्यंत तुरुंगवास होऊ शकतो. किंवा चेकच्या रकमेच्या दुप्पट दंड आकारला जाऊ शकतो.
पूर्वी चेक बाउन्सची तक्रार १ महिन्याच्या आत करावी लागत असे. पण आता हा कालावधी ३ महिन्यांपर्यंत वाढवण्यात आला आहे.
आता तुम्ही चेक बाउन्सची तक्रार ऑनलाइन देखील नोंदवू शकता. याशिवाय, बँकांनी चेक बाउन्स झाल्याची माहिती दोन्ही पक्षांना २४ तासांच्या आत देणे आवश्यक आहे.
जर कोणी जाणूनबुजून चेक बाउन्स केला तर भारतीय दंड संहिता, २०२३ च्या कलम ३१८(४) अंतर्गत गुन्हा दाखल केला जाऊ शकतो.