Pranali Kodre
भारतीय क्रिकेटला मे २०२५ मध्ये मोठे धक्के बसले. रोहित शर्मा आणि विराट कोहली यांनी कसोटी क्रिकेटमधून निवृत्तीची घोषणा केली.
निवृत्तीची घोषणा करताना रोहित भारताचा कसोटी कर्णधारही होता.
त्यामुळे त्याच्या निवृत्तीनंतर भारताचे कसोटी कर्णधारपद रिक्त झाले होते.
दरम्यान, भारताचा २० जूनपासून इंग्लंडविरुद्ध ५ सामन्यांची कसोटी मालिका खेळायची आहे.
त्यामुळे रोहिच्या निवृत्तीनंतर काही दिवसातच २५ वर्षीय फलंदाज शुभमन गिल याच्याकडे भारताच्या निवड समितीने कसोटी संघाच्या कर्णधापदाची जबाबदारी सोपवली.
त्यामुळे गिल भारताचा ३७ वा कसोटी कर्णधार ठरला आहे. शुभमन गिल सध्या इंग्लंडमध्ये असून कसोटी मालिकेची तयारी करत आहे.
यादरम्यान, शुभमन गिलचे इंग्लंडविरुद्धच्या मालिकेपूर्वी खास फोटोशूट झाले असून त्याचे फोटो बीसीसीआयने शेअर केले आहेत.
या फोटोंमध्ये गिलने कर्णधाराचा कोट घातल्याचे दिसत असून त्याला कॅप्शन दिले आहे की 'लोकहो, तुमचा कसोटी कर्णधार, शुभमन गिल.'