सकाळ डिजिटल टीम
भारताची स्टार बॅडमिंटनपटू सायना नेहवाल 17 मार्च रोजी तिचा वाढदिवस साजरा करते.
हरियाणातील हिसारमध्ये 17 मार्च 1990 मध्ये जन्मलेल्या सायनाने आंतरराष्ट्रीय स्तरावर मोठे यश मिळवत भारतात महिला बॅडमिंटनला नवी ओळख मिळवून दिली.
भारताची फुलराणी म्हणून ओळखल्या जाणाऱ्या सायनाने कारकिर्दीत 21 आंतरराष्ट्रीय विजेतीपदे मिळवली आहेत. तिच्या काही मोठ्या यशावर एक नजर टाकू.
सायनाने 2012 साली लंडनला झालेल्या ऑलिम्पिक स्पर्धेत कांस्य पदकाची कमाई केल होती.
तिने वर्ल्ड चॅम्पियनशीप स्पर्धेत 2015 साली रौप्य आणि 2017 साली कांस्यपदक जिंकले आहे.
सायनाने आशियाई क्रीडा स्पर्धांमध्येही 2014 मध्ये सांघिक प्रकारात आणि 2018 साली एकेरीत कांस्य पदक जिंकले.
सायनाने एशियन चॅम्पियनशीप स्पर्धेतही 2010, 2016 आणि 2018 साली कांस्य पदक पटकावले आहे.
राष्ट्रकुल स्पर्धेत तिने 2010 आणि 2018 साली एकेरीत सुवर्ण पदकाला गवसणी घातली, तर मिश्र दुहेरीत खेळतानाही तिने 2018 मध्ये सुवर्णपदक जिंकले. तसेच मिश्र दुहेरीतच तिने 2010 साली रौप्य, तर 2006 मध्ये कांस्य पदक जिंकले होते.
सायनाला 2009 साली अर्जुन पुरस्कारानेही गौरविण्यात आले, तर 2010 साली तिला राजीव गांधी खेलरत्न पुरस्कार आणि पद्मश्री या प्रतिष्ठेच्या पुरस्कारांनी सन्मानित करण्यात आले. सायनाला 2016 साली तिसरा सर्वोच्च नागरी पुरस्कार पद्म भूषणनेही सन्मानित करण्यात आले.