Pranali Kodre
इंडियन प्रीमियर लीगमध्ये जगभरातून क्रिकेटपटू सामील होत असतात. त्यामुळे या स्पर्धेकडे सर्वांचे लक्षही असते.
अशात काही खेळाडूंच्या स्टाईलचीही बरीच चर्चा होते. काही खेळाडूंचे स्पेशल टॅटूही चर्चेत येतात.
असाच कोलकाता नाईट रायडर्सचा खेळाडू वैभव अरोराचा टॅटू चर्चेचा विषय ठरत आहे. याला कारण ठरली आहे ऑस्ट्रेलियाची महिला क्रिकेटपटू अमंडा जेड वेलिंग्टन.
अमंडा जेड वेलिंग्टननेही तिच्या शरिरावर काही टॅटू काढले आहेत. तिचा एक टॅटू वैभव अरोराच्या टॅट्यूसारखाच असल्याचे तिच्या लक्षात आले आहे.
वैभव अरोराच्या डाव्या हातावर आडव्या आणि उभ्या रेषेत काहीतरी लिहिलेला एक टॅटू आहे. तसाच अगदी सारखाच टॅटू अमंडाच्या उजव्या हातावर आहे.
हे लक्षात येताच अमंडाने सोशल मीडियावर याबाबत पोस्ट करत लिहिले की 'माझ्या नुकतंच लक्षात आलं की कोलकाता नाईट रायडर्सकडून खेळणाऱ्या वैभवच्या हातावरही माझ्यासारखाच टॅटू आहे.'तिच्या या पोस्टनंतर त्यांच्या टॅटूची चर्चा होत आहे.
दरम्यान, वैभवच्या हातावर आणखीही काही टॅटू आहेत.