सकाळ डिजिटल टीम
चॅम्पियन्स करंडक स्पर्धेच्या विजेतेपदाचा जल्लोष संपत नाही तोच आता आयपीएलची उत्सुकता शिगेला पोचू लागली आहे.
आयपीएलचे यंदा १८ वे वर्ष आहे. यंदा स्पर्धा २२ मार्चपासून सुरु होणार आहे.
दुखापत किंवा अन्य कारणांनी अनेक संघांमधील महत्त्वाचे खेळाडू आयपीएलच्या सुरुवातीच्या काही सामन्यांत खेळणार नाहीत. पाहा यात कोण-कोण आहे.
लखनौ सुपर जाएंट्सचा वेगवान गोलंदाज मयांक यादव दुखापतीमुळे स्पर्धेच्या पहिल्या टप्प्यात खेळू शकणार नाही.
तब्बल १२.५० कोटी रुपयांना करारबद्ध केलेल्या जोश हेझलवूडला दुखापत झाली आहे. त्यामुळे त्याचं खेळणं अजूनही अनिश्चित आहे.
ऑस्ट्रेलियात झालेल्या दुखापतीतून जसप्रित बुमराह अजूनही सावरलेला नाही. त्यामुळे किमान पहिले दोन आठवडे तो खेळणार नाही.
गेल्या वर्षीच्या आयपीएलमध्ये षटकांच्या संथ गतीमुळे मुंबई इंडियन्सचा कर्णधार हार्दिक पांड्याला यंदाच्या पहिल्या सामन्याला मुकावे लागणार आहे.
ऑस्ट्रेलियाचा ट्वेंटी-२० संघाचा कर्णधार मिचेल मार्श पाठदुखीमुळे त्रस्त आहे. त्यामुळे सुरुवातीच्या काही सामन्यांमध्ये तो संघाबाहेर बसण्याची शक्यता आहे. तसेच तो या हंगामात फक्त फलंदाज म्हणून खेळणार आहे.