Pranali Kodre
इंडियन प्रीमियर लीग (IPL) स्पर्धेत बहुप्रतिक्षीत सामन्यांपैकी एक सामना चेन्नई सुपर किंग्स विरुद्ध रॉयल चॅलेंजर्स बंगळुरू हा असतो.
१८ व्या आयपीएल हंगामात २८ मार्च रोजी हा सामना होणार आहे. हा १८ व्या हंगामातील ८ वा सामना असणार आहे.
चेन्नईतील एमए चिदंबरम स्टेडियम (चेपॉक) येथे हा सामना खेळवला जाणार आहे. संध्याकाळी ७.३० वाजता हा सामना सुरू होईल.
चेन्नई सुपर किंग्स आणि रॉयल चॅलेंजर्स बंगळुरू संघात आत्तापर्यंत आयपीएलमध्ये ३३ सामने खेळवण्यात आले आहेत.
या ३३ सामन्यांपैकी २१ सामने चेन्नई सुपर किंग्सने जिंकले आहेत आणि रॉयल चॅलेंजर्स बंगळुरूने ११ सामने जिंकले आहेत. एका सामन्याचा निकाल लागलेला नाही.
या दोन संघात झालेल्या शेवटच्या ५ सामन्यांपैकी ३ सामने चेन्नई सुपर किंग्सने जिंकले आहेत, तर दोन सामने रॉयल चॅलेंजर्स बंगळुरूने जिंकले आहेत.
तसचे चेपॉक स्टेडियमवर हे दोन संघ ९ वेळा आमने-सामने आले असून ८ वेळा चेन्नईने विजय मिळवला आहे, तर एकमेव सामना बंगळुरूने २००८ साली येथे जिंकला होता.