Sudesh
जपान आणि अमेरिका मिळून सध्या एका महत्त्वाकांक्षी अवकाश मोहिमेवर काम करत आहेत.
जगातील पहिला लाकडी उपग्रह अवकाशात प्रक्षेपित करण्यासाठी हे देश सज्ज झाले आहेत.
लिग्नोसॅट (LignoSat Probe) असं या उपग्रहाचं नाव आहे. यंदाच्या उन्हाळ्यात हा उपग्रह लाँच करण्यात येईल.
पृथ्वीभोवतीचा स्पेस-कचरा ही एक मोठी समस्या बनली आहे. यातील कित्येक उपग्रह पृथ्वीवर कोसळण्याचाही धोका असतो.
या समस्येवर उपाय म्हणून लाकडी उपग्रहांचा वापर करण्याची संकल्पना मांडण्यात आली होती.
पृथ्वीच्या वातावरणात प्रवेश करुन, जळून जाणाऱ्या उपग्रहांमधून अ‍ॅलुमिना कण हवेत पसरतात. हे कण पृथ्वीच्या वातावरणात कित्येक वर्षं टिकून राहतात, ज्यामुळे प्रदूषणाचा धोका आहे.
लाकडी उपग्रहामुळे हा धोकाही कमी होणार आहे. लाकूड हे बायोडिग्रेडेबल असल्यामुळे याचा पर्यावरणाला धोका नसल्याचं क्योटो विद्यापीठाच्या संशोधकांनी स्पष्ट केलं.
लाकडापासून उपग्रह बनवताना सगळ्यात मोठं चॅलेंज हे मजबूत लाकूड शोधणं होतं. यामुळे मग मॅग्नोलिया लाकडाचा (Magnolia Wood) वापर करण्याचा निर्णय घेतला.