जपानमध्ये या इमारतीतून थेट जातो महामार्ग

इमारतीतून महामार्ग

जपानमधील ओसाका शहरात एक अशी इमारत आहे, जिच्या मधून चक्क महामार्ग जातो. या इमारतीचं नाव 'गेट टॉवर बिल्डिंग' आहे.

इमारत

ही इमारत एकूण १६ मजल्यांची आहे. विशेष म्हणजे हानशिन एक्स्प्रेसवे या महामार्गाचा काही भाग इमारतीच्या पाचव्या, सहाव्या आणि सातव्या मजल्यांमधून जातो.

वेग

या इमारतीतून गाड्या वेगाने जात असल्या तरी महामार्गाचा इमारतीला थेट स्पर्श होत नाही. रस्ता स्वतंत्र संरचनेवर बांधण्यात आला आहे.

त्रास

या महामार्गामुळे इमारतीतील लोकांना आवाजाचा आणि कंपनांचा त्रास होऊ नये, यासाठी विशेष व्यवस्था करण्यात आली आहे.

लिफ्ट

या इमारतीची आणखी एक गंमत म्हणजे लिफ्टमध्ये पाचवा, सहावा आणि सातवा मजला अशी बटणं नाहीत. लिफ्ट थेट चौथ्या मजल्यावरून आठव्या मजल्यावर जाते.

वाद

या इमारतीच्या जागेवरून जमीनमालक आणि महामार्ग प्रशासन यांच्यात अनेक वर्षे वाद सुरू होता. अखेर दोघांनीही तडजोड करून इमारतीतून महामार्ग नेण्याचा मार्ग स्वीकारला.

आकर्षण

महामार्गासाठी वापरल्या जाणाऱ्या जागेचे भाडेही इमारतीच्या मालकाला दिले जाते. त्यामुळे ही इमारत आजही जगभरातील पर्यटकांसाठी आकर्षण ठरली आहे.

समुद्राच्या तळाशी आहे पोस्ट ऑफिस! इथून पाठवलेलं पत्र कसं पोहोचतं?