Pranali Kodre
भारत आणि इंग्लंड संघात १० ते १४ जुलै दरम्यान लॉर्ड्सवर कसोटी मालिकेतील तिसरा सामना पार पडला.
या सामन्यात जसप्रीत बुमराहने पहिल्या डावात ५ विकेट्स आणि दुसऱ्या डावात २ विकेट्स असे मिळून ७ विकेट्स घेतल्या.
त्यामुळे आता बुमराह इंग्लंडमध्ये इंग्लंडविरुद्ध कसोटीत सर्वाधिक कसोटी विकेट्स घेणारा भारतीय गोलंदाज ठरला आहे.
बुमराहने इंग्लंडमध्ये इंग्लंडविरुद्ध कसोटीत १० सामने खेळताना ४९ विकेट्स घेतल्या आहेत. त्याने याबाबतीत इशांत शर्माला मागे टाकले.
इशांत शर्मा या यादीत दुसऱ्या क्रमांकावर आहे. त्याने इंग्लंडविरुद्ध इंग्लंडमध्ये १४ कसोटी सामन्यांत ४८ विकेट्स घेतल्या आहेत.
भारताचे दिग्गज अष्टपैलू कपिल देव यांनी इंग्लंडविरुद्ध इंग्लंडमध्ये १३ कसोटी सामन्यांमध्ये ४३ विकेट्स घेतल्या होत्या.
दिग्गज फिरकीपटू अनिल कुंबळे याने इंग्लंडमध्ये इंग्लंडविरुद्ध १० कसोटी सामन्यांत ३६ विकेट्स घेतले होते. या यादीत तो चौथ्या क्रमांकावर आहे.
या यादीत ५ व्या क्रमांकावर बिशनसिंग बेदी आहेत. त्यांनी इंग्लंडविरुद्ध इंग्लंडमध्ये १२ कसोटी सामन्यांत ३५ विकेट्स घेतल्या आहेत.