सकाळ डिजिटल टीम
कंगना राणावत सध्या ‘इमर्जन्सी’ चित्रपटामुळे चर्चेत आहे. हा चित्रपट माजी पंतप्रधान इंदिरा गांधी यांच्या जीवनावर आधारित आहे.
१७ जानेवारीला प्रदर्शित झालेल्या ‘इमर्जन्सी’ चित्रपटाने बॉक्स ऑफिसवर फारसा प्रभाव पाडला नाही, पण कंगना प्रमोशन करत आहे.
कंगनाने एका मुलाखतीत सांगितले की स्वरा आणि तिच्या विचारसरणीमध्ये फरक आहे, पण याचा अर्थ ते एकत्र काम करू शकत नाही असा नाही.
२०२० मध्ये सोशल मीडियावर झालेल्या वादामुळे कंगना आणि स्वरा यांच्यात कटुता निर्माण झाली होती. कंगनाने स्वराला ‘बी ग्रेड अभिनेत्री’ असे म्हटले होते.
कंगना म्हणाली की सेटवर स्वरा समाजवाद आणि साम्यवादावर चर्चा करत असे, पण कधीच तिच्या विचारांवर कंगनाने मत बनवले नाही.
कंगना आणि स्वरा याआधी ‘तनू वेड्स मनू’ या सुपरहिट चित्रपटात एकत्र काम केली होती.
कंगनाच्या या वक्तव्यानंतर स्वरा भास्कर काय प्रतिक्रिया देईल, हे पाहणे रंजक ठरेल.
वाद बाजूला ठेवून या दोघी पुन्हा एकत्र काम करतील का, हे येणारा काळच सांगेल.