Anuradha Vipat
अभिनेत्री केतकी चितळे ही तिच्या वादग्रस्त वक्तव्यांमुळे कायमच चर्चेत असते.
आता केतकीने माजी मुख्यमंत्री उद्धव ठाकरे यांच्यावर टीका केली आहे
1993 च्या बॉम्बस्फोटचा आरोपी इकबाल मुसा उर्फ बाबा चौहान हा उत्तर पश्चिम लोकसभा मतदारसंघातील महाविकास आघाडीचे उमेदवार अमोल कीर्तिकर यांच्या प्रचारार्थ आणि समर्थनार्थ फिरताना दिसत आहे, असा आरोप भाजपनं केला आहे. त्याचसंदर्भात केतकीने पोस्ट केली आहे.
केतकीने तिच्या इन्स्टाग्रामच्या स्टोरीवर ही पोस्ट केली आहे. त्यामध्ये तिने म्हटलं की, 'लाज कशी वाटत नाही ठाकरे तुम्हाला?
पुढे केतकीने लिहिले आहे, आरोपीला स्टार प्रचारक म्हणून मिरवताय? कीर्तीकरांना तसेच मी मत देणार नव्हतेच पण आज बाळासाहेबांमुळे जो काही ०.०००१ टक्के आदर मनात होता तुमच्याविषयी तोही तुम्ही मातीत मिळवण्यात यशस्वी झालात.
राग, चीड, द्वेष, संताप अशा भावना देखील मनात येत नाहीयेत; येते आहे ती फक्त कीव असंही पुढे केतकीने लिहिले आहे