रोहित कणसे
आजकाल स्मार्टफोनच्या जमान्यात प्रत्येकजण आपला मोबाईल फोन झोपताना उशीजवळ ठेवतात.
रात्री मोबाईल फोन वापरण्याचे दुष्परिणाम काय होतात याबद्दल आपण आज जाणून घेणार आहोत.
रात्री मोबाईल फोन वापरण्याच्या सवयीमुळे तुमच्या झोपेवर थेट परिणाम होतो आणि तुमची अपूर्ण झोप संपूर्ण आरोग्याला हानी पोहोचवते.
तज्ज्ञांच्या मते जर तुम्ही रात्री फोनवर बराच वेळ घालवत असाल किंवा झोपेच्या वेळी फोन वापरत असाल तर त्याचा तुमच्या झोपेच्या गुणवत्तेवर परिणाम होतो.
रात्री फोन वापरल्याने स्ट्रेस हार्मोन्स वाढू लागतात आणि त्याचा रोगप्रतिकारक शक्तीवरही नकारात्मक परिणाम होतो. दिवसभर खूप कमी भूक लागते, तसेच इतर धोकेही वाढतात.
जर तुम्ही झोपण्याआगोदर फोन वापरत असाल तर त्यामुळे तुमचे मन अधिक सक्रिय राहते आणि मेंदूला विश्रांती घेण्यास त्रास होतो.
जर तुम्ही तुमचा फोन रात्री बराच वेळ वापरत नसाल, पण झोपताना थोडावेळ मेसेज किंवा कॉल्स तपासले तर यामुळे तुमचा मेंदू डिस्टर्ब होतो ज्यामुळे वेळेवर झोप येत नाही.
आपल्या शरीराला योग्य वेळी झोप येण्यासाठी चांगली झोप येण्यासाठी मेलाटोनिनची आवश्यकता असते. मोबाईलचा प्रकाश थेट तुमच्या डोळ्यांवर पडतो, याचा वाईट परिणाम मेलाटोनिनच्या निर्मीतीवर होऊ शकतो.
जर तुम्ही रात्री झोपण्यापूर्वी तुमचा फोन वापरत असाल, तर सकाळी उठल्यानंतर तुम्हाला पुरेशी झोप न मिळाल्यासारखे वाटते आणि आळस जात नाही.
रात्री फोन वापरल्याने तुमचे मन सक्रिय राहते, ज्यामुळे झोपेच्या गुणवत्तेवर वाईट परिणाम होतो. अशा स्थितीत तुम्हाला रात्री पुरेशी आणि चांगली झोप घेता येत नाही.
रात्री झोपण्यापूर्वी मोबाईल वापरल्याने तुमचे डोळे लवकर वृद्ध होऊ शकतात.
स्मार्टफोनमधून उत्सर्जित होणारा निळा प्रकाश अँटी-ऑक्सिडंट इफेक्टवर परिणाम करतो आणि व्यक्तीमध्ये मॅक्युलर डिजेनेरेशनला कारणीभूत ठरू शकते.
या स्थितीत डोळ्यांची सेंटरची दृष्टी अस्पष्ट होते. वयानुसार मॅक्युलर डिजनरेशन विकसित होणे सामान्य असले तरी, स्मार्टफोनच्या अतिवापरामुळे तुमच्या डोळ्यांचे अकाली वृद्धत्व येऊ शकते.
पावसाळ्यात एवढी काळजी तर घ्याच...