Monika Lonkar –Kumbhar
बॉलिवूडची 'धकधक गर्ल' अभिनेत्री माधुरी दीक्षित.
उत्तम अभिनयासोबतच माधुरी तिच्या निखळ सौंदर्यासाठी आणि फिटनेससाठी खास ओळखली जाते.
वयाच्या ५६ व्या वर्षी ही माधुरी पूर्वीसारखीच सुंदर दिसते. तिच्या स्किनकेअरचे रूटीन तिने मध्यंतरी चाहत्यांसोबत शेअर केले होते. या स्किनकेअर रूटीनमध्ये कोणत्या गोष्टी आहेत? जाणून घेऊयात.
स्किनकेअर रूटीनबद्दल बोलताना माधुरीने सांगितले की, त्वचेची काळजी घेण्यासाठी आहारासोबतच भरपूर पाणी पिणे आवश्यक आहे.
माधुरीने सांगितले की, त्वचेच्या समस्यांवर मात करण्यासाठी तेलकट पदार्थ आणि गोड पदार्थांचे सेवन करणे टाळा. कारण अशा पदार्थांमुळे त्वचेवर पिंपल्स येतात.
त्वचेला हेल्दी ठेवण्यासाठी तुमच्या आहारात हिरव्या पालेभाज्या आणि फळे यांचा जरूर समावेश करा. असा सल्ला माधुरीने दिला आहे.
निरोगी त्वचेसाठी व्यायाम अतिशय महत्वाचा आहे. व्यायामामुळे त्वचेतील रक्ताभिसरण वाढते अन् त्याचबरोबर त्वचेवर चमकही वाढते.
माधुरीने सांगितले की, त्वचा निरोगी ठेवण्यासाठी झोपही महत्त्वाची आहे. कमी झोपेमुळे चिडचिडेपणासह त्वचेची चमकही कमी होते. अशा स्थितीत दिवसातून ७ ते ८ तास झोप घेण्याचा प्रयत्न करा.