Yashwant Kshirsagar
माधुरी हत्तीणीला परत आणण्यासाठी 2 लाख 4 हजार 421 जणांनी पाठिंबा दिला आहे. गेल्या दोन दिवसांपासून ही स्वाक्षरी मोहीम सुरू आहे.
माधुरीची वनतारामध्ये नीट देखभाल होईल की नाही याची सर्वांना काळजी लागली आहे. दरम्यान वनतारा ने माधुरीच्या दिनचर्येचे फोटो सोशल मीडियावर शेअर केले आहेत.
माधुरी हत्तीणीला आंघोळ घालतानेचे फोटो वनतारा ने इंस्टाग्राम वर शेअर केले आहेत.
माधुरीच्या पायाची जखम बरी करण्यासाठी काय काळजी घेतली जात आहे? याचा देखील फोटो शेअर केला आहे.
माधुरी आपल्या सोंडेने पाणी उडवित असल्याचे फोटो शेअर करत ती आनंदी असल्याचे सूचित करण्यात आले आहे.
माधुरी हिच्या आरोग्याचे आणि दीर्घकालीन कल्याणाचे रक्षण करणे हाच आमचा एकमेव हेतु राहिला आहे, असे वनताराने म्हटले आहे.
माधुरी वनतारामध्ये मुक्त संचार करत असल्याचे फोटोमध्ये दिसत आहे.
माधुरीला खाद्यातमध्ये काय काय दिले जाते याचाही फोटो वनताराच्या इंस्टाग्राम पेजवर शेअर करण्यात आला आहे.
वनतारा कोणत्याही धर्म, प्रदेश किंवा परंपरेच्या विरोधात नाही. आम्ही अशा मुक्या जीवांच्या सेवेसाठी आहोत, जे मानवी करुणेवर अवलंबून आहेत. आम्ही पारदर्शकतेस कायद्याच्या पालनास आणि सर्वात महत्त्वाचे म्हणजे करुणेला पूर्णपणे वचनबद्ध आहोत. असे वनताराकडून सांगण्यात आले आहे.
आम्ही जनतेला संघर्षासाठी नाही तर माधुरी व अशा प्रत्येक प्राण्याच्या सन्मानपूर्वक व शांत आयुष्याच्या अधिकारासाठी आमच्या सोबत उभे राहण्याचे विनम्र आवाहन करतो. असे वनताराने म्हटले आहे.