प्रणाली कोद्रे
स्टार दाक्षिणात्य अभिनेता महेश बाबू आणि त्याची पत्नी नम्रता शिरोडकरने नुकतीय सनरायझर्स हैदराबादच्या खेळाडूंची भेट घेतली आहे.
त्यांच्या भेटीदरम्यानचे फोटो सनरायझर्स हैदराबादने सोशल मीडियावर शेअर केले आहेत.
इतकेच नाही, तर सनरायझर्स हैदराबादचा कर्णधार पॅट कमिन्सनेही महेश बाबूबरोबरचा फोटो शेअर केला आहे.
कमिन्सने या फोटोला कॅप्शन दिले आहे की 'टॉलिवूडचा प्रिन्सबरोबरची एक शानदार भेट'.
कमिन्सच्या या पोस्टवर महेश बाबूनेही कमेंट केली आहे की 'हा मोठा सन्मान आहे, मी मोठा फॅन आहे.'
याशिवाय नम्रतानेही कमिन्सबरोबरचा फोटो शेअर करत म्हटले आहे की 'तुला भेटून आनंद झाला. सनरायझर्स हैदराबाद शानदार कामगिरी करा.'
दरम्यान, हे फोटो सध्या चांगलेच चर्चेत असून चाहत्यांच्या पसंतीस उतरत आहेत.