संध्याकाळच्या चहासोबत असा बनवा गरमागरम पनीर पफ; बेकरीलाही पडेल विसर

घरच्या घरी बेकरी स्टाईल पनीर पफ

बाहेरचा पनीर पफ खाण्याऐवजी आता घरच्या घरीच खुसखुशीत आणि चविष्ट पनीर पफ तयार करा. ही सोपी रेसिपी नक्की ट्राय करा.

कांदा आणि मसाल्याची तयारी

कढईत तेल गरम करून त्यात बारीक चिरलेला कांदा सोनेरी होईपर्यंत परता. त्यानंतर आले-लसूण पेस्ट आणि हिरवी मिरची घालून एक मिनिट परतून घ्या.

ढोबळी मिरची आणि मसाले

आता चिरलेली ढोबळी मिरची घालून काही मिनिटे शिजवा. त्यानंतर हळद, लाल तिखट, धणे-जिरे पूड, गरम मसाला आणि चवीनुसार मीठ घालून सर्व साहित्य नीट एकजीव करा.

पनीरचे स्टफिंग तयार करा

या मिश्रणात पनीरचे छोटे तुकडे आणि चिरलेली कोथिंबीर घाला. दोन मिनिटे परतून गॅस बंद करा आणि स्टफिंग पूर्णपणे थंड होऊ द्या.

पफ पेस्ट्रीमध्ये स्टफिंग भरा

पफ पेस्ट्री शीट मऊ झाल्यावर चौकोनी तुकडे करा. प्रत्येक तुकड्याच्या मध्यभागी तयार केलेले पनीर स्टफिंग ठेवा.

पफ सील करा

पेस्ट्री दुमडून काट्याच्या साहाय्याने कडा हलक्या दाबून बंद करा. यामुळे बेक करताना स्टफिंग बाहेर येणार नाही.

बेक करण्याची योग्य पद्धत

तयार पफवर ब्रशने थोडे दूध लावा. ओव्हन 200°C वर प्रीहीट करून पफ 20 ते 25 मिनिटे किंवा सोनेरी आणि खुसखुशीत होईपर्यंत बेक करा.

गरमागरम सर्व्ह करा

तयार पनीर पफ टोमॅटो सॉस, हिरवी चटणी किंवा गरम चहासोबत सर्व्ह करा आणि घरच्यांसोबत बेकरीसारख्या चवीचा आनंद घ्या.

फक्त कॉफी पावडरने मिळवा चमकदार त्वचा; फेशियलची गरजच नाही!