Anuradha Vipat
मराठी सिनेसृष्टीत आपल्या अभिनयाने प्रेक्षकांचं मनोरंजन करणारी अभिनेत्री म्हणजेच मृण्मयी देशपांडे.
नुकताच मृण्मयीचा ‘स्वरगंधर्व सुधीर फडके’ चित्रपट प्रदर्शित झाला.
या चित्रपटानिमित्ता एका दिलेल्या मुलाखतीत मृण्मयीला तिच्या अशा एका अनुभवाबद्दल विचारण्यात आलं की जो ती कायमचा जपून ठेवेल किंवा तो तिच्या कायम लक्षात राहील
मृण्मयी म्हणाली “कुंकू मालिकेचं आमचं शूटिंग सुरू होतं तेव्हा एका सीनमध्ये काहीतरी बोलता बोलता जानकीच्या डोळ्यांत पाणी येतं आणि मी वाक्य बोलले तेव्हा सुनीलदादा त्याच्या नरसिंहच्या भूमिकेत नव्हताच जणू. दोन मिनिटांसाठी तो माझ्याकडे खूप कौतुकानं बघत होता
मृण्मयी पुढे म्हणाली, “सीन कट झाला आणि काही न बोलता तो माझा हात पकडून मला मेकअप रूममध्ये घेऊन गेला.त्यानं त्याचं पाकीट उघडलं. त्या दिवशी त्याच्याकडे जेवढे पैसे होते ते सगळे त्यानं माझ्या हातावर ठेवले.
“मी भारावून गेले होते आणि खूप खूश झाले होते. तो माझ्यासाठी एक बेंचमार्क होता.“जेव्हा सुनीलदादाला परफॉर्मन्स बघून खूपच भारी वाटलं असेल तेव्हा त्यानं असं केलं असेल असं मृण्मयी पुढे म्हणाली