आशुतोष मसगौंडे
भाजपच्या महाराष्ट्रात निवडून आलेल्या काही मोजक्या खासदारांमध्ये पुण्याचे खासदार मुरलीधर मोहोळ यांचा समावेश आहे.
मुरलीधर मोहोळ यांची केंद्रीय मंत्रिमंडळात वर्णी लागणार असून, त्यांना पंतप्रधान कार्यालयातून अधिकृत संपर्क साधण्यात आला आहे.
पश्चिम महाराष्ट्रातून मोहोळ हे एकमेव खासदार मोदींच्या केंद्रीय मंत्रिमंडळात असणार आहेत.
यावेळी मुरलीधर मोहोळ यांचाा केंद्रीय क्रीडा व युवक कल्याण राज्यमंत्री पद मिळण्याची शक्यता आहे.
यंदाच्या निवडणुकीत पुण्याचे माजी महापौर मुरलीधर मोहोळ यांनी तब्बल एक लाख २३ हजार इतक्या मताधिक्याने विजय मिळवला.
कोथरूडमध्ये मुरलीधर मोहोळ यांनी नगरसेवक म्हणून अनेक वर्षे काम केले आहे. लोकांमध्ये मिसळणारा कार्यकर्ता अशी त्यांची ओळख आहे.
लोकसभेच्या पार्श्वभूमीवर मोहोळ यांनी शहरामध्ये महाराष्ट्र केसरी कुस्ती स्पर्धा, मॅरेथॉन अशा वेगवेगळ्या उपक्रम उपक्रमांद्वारे लोकांचे व पक्षश्रेष्ठींचे लक्ष वेधून घेतले.
मोहोळ हे स्वतः पहिलवान आहेत, कुस्तीसह वेगवेगळ्या खेळांची मोहोळ यांना चांगली माहिती आहे. महाराष्ट्र केसरी स्पर्धा भरवून त्यांनी आपल्यातील खेळाडूची चुणूक दाखवून दिली होती.