हेपेटायटिस B-C चा लिव्हरवर गंभीर परिणाम; सुरुवातीला लक्षणं का दिसत नाहीत?

लक्षणं दिसत नाहीत, पण लिव्हरला धोका!

हेपेटायटिस B आणि C हे लिव्हरला प्रभावित करणारे गंभीर संसर्गजन्य आजार आहेत. विशेष म्हणजे अनेकदा सुरुवातीला कोणतीही ठळक लक्षणं दिसत नाहीत.

हेपेटायटिस B आणि C कसे पसरतात?

संक्रमित रक्त किंवा शरीरातील काही द्रवांच्या संपर्कातून या व्हायरसचा संसर्ग होऊ शकतो. संक्रमित सुई, असुरक्षित रक्त, अस्वच्छ टॅटू-पिअर्सिंग आणि असुरक्षित लैंगिक संबंध ही काही कारणं आहेत.

कोणती लक्षणं जाणवू शकतात?

संसर्ग झाल्यानंतर काही जणांमध्ये थकवा, भूक कमी होणे, मळमळ, पोटदुखी, लिव्हरला सूज, त्वचा-डोळे पिवळे होणे किंवा लघवीचा रंग बदलणे अशी लक्षणं दिसू शकतात.

लक्षणं नसली तरी धोका कायम!

अनेकदा कोणतीही लक्षणं न दिसताही संसर्ग शरीरात वाढत राहू शकतो. उपचार न झाल्यास पुढे लिव्हर सिरोसिस किंवा लिव्हर कॅन्सरचा धोका वाढू शकतो. त्यामुळे संशय असल्यास तपासणी महत्त्वाची आहे.

उपचार शक्य आहेत

हेपेटायटिस B आणि C साठी उपचारपद्धती वेगवेगळी असते. हेपेटायटिस B मध्ये औषधांद्वारे व्हायरसचे प्रमाण नियंत्रणात ठेवण्यास मदत होते, तर हेपेटायटिस C साठी प्रभावी अँटीव्हायरल औषधं उपलब्ध आहेत.

बचावासाठी ‘ही’ काळजी घ्या

हेपेटायटिस B पासून बचावासाठी लसीकरण महत्त्वाचे आहे. तसेच सुई, रेझर किंवा टूथब्रश दुसऱ्यांसोबत शेअर करू नका आणि टॅटू-पिअर्सिंगसाठी स्वच्छ व सुरक्षित ठिकाणाची निवड करा.

वेळेवर तपासणीच सर्वात महत्त्वाची!

हेपेटायटिस B किंवा C चा संशय असल्यास डॉक्टरांच्या सल्ल्याने तपासणी करून घ्या. स्वतःहून औषधं सुरू किंवा बंद करू नका. योग्य वेळी निदान आणि उपचार घेतल्यास लिव्हरचे पुढील नुकसान टाळण्यास मदत होऊ शकते.

मसूर डाळीत किती प्रोटीन असते? जाणून घ्या १००