सूरज यादव
भारतात आर्थिक घोटाळ्या प्रकरणातील आरोपी ललित मोदी यांनी भारतीय नागरिकत्व सोडण्यासाठी अर्ज केलाय. त्यांनी वानुआतू नावाच्या देशाचं नागरिकत्व विकत घेतलंय.
वानुआतू देश हा लोकसंख्येनं पाँडिचेरीपेक्षाही लहान आहे. या देशाचा गोल्डन पासपोर्ट ललित मोदींनी १.३ कोटी रुपयांना विकत घेतलाय.
आतापर्यंत ललित मोदी लंडनमध्ये राहत होते. वानुआतूचं नागरिकत्व घेतल्यानंतर आता त्यांचं प्रत्यार्पण आणखी कठीण बनलं आहे.
प्रशांत महासागरातील एका द्विपसमुहाचा भाग असलेला वानुआतू देश नैसर्गिक सौंदर्यानं नटलेला आहे. या देशाचा गोल्डन पासपोर्ट प्रसिद्ध आहे.
गोल्डन पासपोर्ट म्हणजे इथं गुंतवणूक करून कोणीही पासपोर्ट विकत घेऊ शकतो. यासाठी १.३ कोटी रुपये द्यावे लागतात.
वानुआतू हा ज्वालामुखींपासून बनलेल्या ८३ लहान लहान बेटांनी तयार झालेला देश आहे. लोकसंख्येनुसार हा देश १८२ व्या स्थानी आहे.
वानुआतू देशावर ब्रिटन आणि फ्रान्सचं राज्य होतं. त्यामुळे इंग्रजी आणि फ्रेंच भाषा जास्त बोलली जाते.
वानुआतूमध्ये अनेक सक्रीय ज्वालामुखी आहेत. १४५० मध्ये सर्वात मोठा ज्वालामुखीचा उद्रेक होऊन एक बेट नष्ट झालं होतं.
हजारो वर्षांपूर्वी फिलिपाइन्सच्या लापिता जातीचे लोक इथं राहत होते. बराच काळ युरोपीय मिशनरींच्या ताब्यात हा देश होता. १९८० मध्ये वानुआतू स्वतंत्र झाला.
वानुआतू देशात आयकर, मालमत्ता कर, कार्पोरेट टॅक्स असा कोणताही कर आकारला जात नाही.