Saisimran Ghashi
भारत-पाकिस्तान फाळणीनंतरही अमरकोट हे संस्थान पाकिस्तानात हिंदू राजघराण्याच्या अधिपत्याखाली राहिले असून, हे पाकिस्तानातील एकमेव हिंदू संस्थान आहे.
अमरकोटचे राणा चंद्र सिंह हे या घराण्याचे प्रमुख होते. ते सात वेळा खासदार राहिले असून, पाकिस्तानचे माजी पंतप्रधान झुल्फिकार अली भुट्टो यांचे जवळचे सल्लागार होते.
PPP पक्षातून बाहेर पडल्यानंतर राणा चंद्र सिंह यांनी पाकिस्तान हिंदू पार्टीची स्थापना केली. या पक्षाचा झेंडा भगवा असून त्यावर 'ॐ' आणि त्रिशूल कोरलेले आहेत.
राणा चंद्र सिंह यांच्या मृत्यूनंतर (२००९), त्यांचा मुलगा हमीर सिंह सोढा यांनी अमरकोट संस्थानाची धुरा सांभाळली. सध्या त्यांचा मुलगा करणीसिंग सोढा हा राजा आहे.
करणीसिंग सोढा हे पाकिस्तानातील विविध राजकीय कार्यक्रमांमध्ये सहभागी होत असतात. ते सोशल मीडियावरही सक्रिय आहेत आणि आपलं मत मांडत असतात.
करणीसिंग यांच्यासोबत कायम बंदूकधारी बॉडीगार्ड असतात. विशेष म्हणजे हे बॉडीगार्ड मुस्लिम समुदायातून येतात आणि त्यांच्याकडे एके-४७ रायफल्स आणि शॉटगन्स असतात.
करणीसिंग यांच्या सुरक्षा व्यवस्थेची जबाबदारी मुस्लिम समुदाय सांभाळतो, ही बाब अत्यंत विशेष आणि प्रेरणादायी आहे.
मुस्लिम समुदाय असा विश्वास ठेवतो की अमरकोटचे हे राजघराणे राजा पुरू (पोरस) यांचे वंशज आहेत, त्यामुळे त्यांच्यावरील श्रद्धा अधिक दृढ आहे.