kimaya narayan
बॉक्स ऑफिसवर फ्लॉप होऊन सोशल मीडियावर हिट असलेला सिनेमा म्हणजे सनम तेरी कसम
हर्षवर्धन राणे आणि पाकिस्तानी अभिनेत्री मावरा होकेन यांची या सिनेमात मुख्य भूमिका होती.
तामिळ ब्राह्मण कुटूंबात जन्मलेली एक साधारण मुलगी आणि वकील असलेला पण दारूच्या नशेत बुडालेला तरुण यांची वेगळी लव्हस्टोरी या सिनेमात पाहायला मिळाली.
2016 मध्ये हा सिनेमा रिलीज झाला होता आणि या सिनेमाने त्यावेळी बॉक्स ऑफिसवर 18 करोड रुपयांची कमाई केली होती. हा सिनेमा फ्लॉप ठरला होता.
लॉकडाऊन दरम्यान हा सिनेमा युट्युबवर रिलीज झाला आणि हा सिनेमा सुपरहिट ठरला.
2024 पासून सिनेमांचं पुन्हा थिएटरमध्ये प्रदर्शित करण्याची लाट आली. 7 फेब्रुवारी 2025 ला हा सिनेमा पुन्हा रिलीज झाला.
अवघ्या तीन दिवसात या सिनेमाने पहिल्या रिलीजच्या कमाईबरोबर जवळपास बरोबरी केली. पहिल्या दिवशी या सिनेमाने 4.25 करोड, दुसऱ्या दिवशी 5.25 करोड आणि तिसऱ्या दिवशी या सिनेमाने 6.25 करोड रुपये कमावले. तीन दिवसात सिनेमाने 15.50 करोड कमावले जे मूळ सिनेमाच्या कमाईच्या 170%अधिक रक्कम आहे.
हा सिनेमा लव्हयाप्पा या नुकत्याच रिलीज झालेल्या सिनेमाला बॉक्स ऑफिसवर तगडी टक्कर देतोय.