अजगर आणि अ‍ॅनाकोंडा यांच्यात कोणते फरक असतात?

अजगर

अजगर हा जगातील मोठ्या सापांपैकी एक आहे. तो बिनविषारी असून आपल्या भक्ष्याला शरीराभोवती वेटोळे घालून पकडतो.

अ‍ॅनाकोंडा

ही बिनविषारी साप आहे. तो जगातील सर्वात जड साप मानला जातो. त्याचे शरीर अजगरापेक्षा अधिक जाड आणि मजबूत असते.

वास्तव्य

अजगर प्रामुख्याने आशिया, आफ्रिका आणि ऑस्ट्रेलियात आढळतात. तर अ‍ॅनाकोंडा दक्षिण अमेरिकेतील अ‍ॅमेझॉन आणि ओरिनोको नदीच्या खोऱ्यात राहतात.

आकार आणि वजन

रेटिक्युलेटेड अजगर १० मीटरपर्यंत लांब वाढू शकतो. तर ग्रीन अ‍ॅनाकोंडा लांबीने काहीसा कमी असला, तरी वजनाने आणि शरीराच्या जाडीने अधिक मोठा असतो.

प्रजनन पद्धती

मादी अजगर अंडी घालते आणि त्यांना उब देण्यासाठी अंड्यांभोवती वेटोळे घालते. याउलट, मादी अॅनाकोंडा थेट पिल्लांना जन्म देते.

सवयी

अजगर जमिनीवर, झाडांवर आणि पाण्यातही वावरू शकतात. मात्र, अ‍ॅनाकोंडाला पाण्यात राहणे अधिक आवडते. तो बराच वेळ पाण्यात घालवतो.

पद्धत

अजगर आणि अ‍ॅनाकोंडा दोघेही भक्ष्याला शरीराभोवती वेटोळे घालून पकडतात. त्यानंतर भक्ष्याला संपूर्ण गिळतात. दोघेही विषाचा वापर करत नाहीत.

सर्वात मोठा फरक

अजगराची ओळख त्याच्या लांबीमुळे आहे, तर अ‍ॅनाकोंडा त्याच्या वजन आणि जाड शरीरामुळे ओळखला जातो. दोघेही मोठे असले, तरी त्यांच्या राहण्याच्या जागा आणि प्रजनन पद्धती वेगवेगळ्या आहेत.

सकाळी उठल्यावर पाणी पिण्याचे फायदे