राहुल शेळके
लोकसभा निवडणूक 2024 च्या पाचव्या टप्प्यासाठी मतदान सुरु आहे.
बिझनेस क्षेत्रातील दिग्गजांनी मतदान केले. यावेळी 86 वर्षीय उद्योगपती रतन टाटा यांनी मतदान केंद्रावर पोहोचून मतदानाचा हक्क बजावला.
मतदान केल्यानंतर त्यांनी बोटावरची शाई दाखवली आणि बूथच्या बाहेर उभ्या असलेल्या अधिकाऱ्याशी बोलताना दिसले.
आशियातील सर्वात श्रीमंत व्यक्ती मुकेश अंबानी यांचे धाकटे भाऊ अनिल अंबानी यांनीही मतदान केले.
मतदान सुरू होताच अनिल अंबानी मतदान केंद्रावर पोहोचले आणि रांगेत उभे राहून मतदान करण्याची वाट पाहत होते.
मतदान केंद्रावर मतदान करण्यासाठी वाट पाहत असलेले अनिल अंबानी यांचे फोटो आणि व्हिडिओ सोशल मीडियावर व्हायरल होत आहेत.
याशिवाय रिझर्व्ह बँक ऑफ इंडियाचे (आरबीआय) गव्हर्नर शक्तिकांत दास यांनी मुंबईत मतदान केले आणि लोकांनी लवकरात लवकर मतदान करण्याचे आवाहन केले.