प्रणाली कोद्रे
चेन्नई सुपर किंग्सने आयपीएल 2024 स्पर्धेतील 22 व्या सामन्यात कोलकाता नाईट रायडर्सविरुद्ध 7 विकेट्सने विजय मिळवला.
चेन्नईच्या या विजयात रविंद्र जडेजाने मोलाचा वाटा उचलला. त्याला या सामन्यातील सामनावीर पुरस्कारही देण्यात आला आहे.
जडेजाने या सामन्यात 4 षटकात अवघ्या 18 धावा देत 3 विकेट्स घेतल्या होत्या. त्याने सुनील नारायण, अंगक्रिश रघुवंशी आणि वेंकटेश अय्यर या तिघांच्या विकेट्स घेतल्या.
त्याचमुळे जडेजाच्या नावावर एक अनोखा विक्रम नोंदवला गेला आहे.
जडेजाने यापूर्वीच आयपीएलमध्ये 2000 हून अधिक धावा केल्या आहेत, तसेच त्याने 150 हून अधिक विकेट्सही घेतल्या आहेत.
त्यामुळे जडेजा असा पहिलाच क्रिकेटपटू ठरला आहे, ज्याने आयपीएलमध्ये 1000 पेक्षा जास्त धावा, 100 पेक्षा जास्त विकेट्स आणि 100 पेक्षा अधिक झेल घेतले आहेत.
यापूर्वी आयपीएलमध्ये असा विक्रम कोणालाही करता आला नव्हता.