Pranali Kodre
भारतीय संघाचा स्टार रोहित शर्मा आणि त्याची पत्नी रितिका एक लोकप्रिय जोडपं आहे. रोहितने रितिकाला ज्या पद्धतीने प्रपोज केलं होतं, त्याची कहाणीही रंजक आहे.
नुकतंच रोहितने युट्युबवरील 'Who’s The Boss?' या शोमध्ये त्याने रितिकाला कसं प्रपोज केलं याची कहाणी सांगितली.
रोहित म्हणतो, रितिका त्या जागी नेलं जिथून त्याने क्रिकेट खेळायला सुरुवात केली होती.
रोहितने पुढे सांगितले की 'आम्ही मरीन ड्राइव्हवर होतो. तिने आणलेलं घरचं जेवण जेवलो. त्यानंतर मी तिला म्हणालो की कंटाळा आलाय आइस्क्रीम खायला जाऊया.'
रोहितच्या गाडीने मरीन ड्राईव्हहून हाजी अली, वरळी पार केलं. त्यावेळी रितिकाने विचारलं, "आइसक्रीम कुठे आहे?" त्यावर रोहित म्हणाला, ‘बोरिवलीला एक मस्त दुकान आहे. तू कधी आलेली नाहीस, चल दाखवतो.’
रोहित तिला एका ग्राउंडवर घेऊन गेला, जिथे पूर्ण अंधार होता. तिला ते ग्राउंड आहे हेच सुरुवातीला कळलं नाही.
रोहितने आपल्या मित्राला आधीच तिथे तयारी करायला आणि प्रपोजलचा क्षण टिपायला सांगितलं होतं.
रोहित रितिकाला घेऊन पिचच्या मध्यावर गेला आणि त्याने गुडघ्यावर बसून तिला लग्नाची मागणी घातली.
रितिका आणि रोहित म्हणतात, तो अविस्मरणीय क्षण होता.
रोहित आणि रितिका यांनी १३ डिसेंबर २०१५ रोजी लग्न केलं. त्यांना आता समायरा आणि आहान ही मुलं आहेत.