वनडेत शतक करणार सर्वात वयस्कर भारतीय खेळाडू

भारताचा ऑस्ट्रेलियावर विजय

भारतीय संघाने सिडनीमध्ये २५ ऑक्टोबर २०२५ रोजी ऑस्ट्रेलियाविरुद्ध तिसऱ्या वनडेत ९ विकेट्सने विजय मिळवला.

रोहितने उचलला मोलाचा वाटा

या सामन्यात रोहित शर्माने शतक करत मोलाचा वाटा उचलला. त्याने विराट कोहलीसोबत नाबाद १६८ धावांची भागीदारीही केली.

रोहितचे शतक

रोहित शर्माने १२५ चेंडूत १३ चौकार आणि ३ षटकारांसह नाबाद १२१ धावा केल्या.

दुसरा सर्वात वयस्कर खेळाडू

हे शतक केले, तेव्हा रोहितचे वय ३८ वर्षे १७८ दिवस होते.त्यामुळे तो वनडेत शतक करणारा भारताचा दुसऱ्या क्रमांकाचा सर्वात वयस्कर खेळाडू ठरला.

गावसकरांना टाकले मागे

त्याने सुनील गावसकर, मोहिंदर अमरनाथ आणि विराट कोहली यांना मागे टाकले.

५. विराट कोहली

विराट कोहली या विक्रमाच्या यादीत पाचव्या क्रमांकावर असून त्याने वनडेत शेवटचे शतक पाकिस्तानविरुद्ध २३ फेब्रुवारी २०२५ मध्ये केले, तेव्हा त्याचे वय ३६ वर्षे ११० दिवस होते.

४. मोहिंदर अमरनाथ

मोहिंदर अमरनाथ चौथ्या क्रमांकावर असून त्यांनी शेवटचे वनडे शतक न्यूझीलंडविरुद्ध २७ मार्च १९८८ रोजी शारजामध्ये केले, तेव्हा त्यांचे वय ३७ वर्षे १८५ दिवस होते.

३. सुनील गावसकर

सुनील गावसकर या यादीत तिसऱ्या क्रमांकावर असून त्यांनी नागपूरला न्यूझीलंडविरुद्ध ३१ ऑक्टोबर १९८७ रोजी केले, तेव्हा त्यांचे वय ३८ वर्षे ११३ दिवस होते.

१. सचिन तेंडुलकर

आता रोहित दुसऱ्या क्रमांकावर आहे, तर पहिल्या क्रमांकावर सचिन तेंडुलकर आहे. त्याने मिरपूरला बांगलादेशविरुद्ध शेवटचे वनडे शतक १६ मार्च २०१२ रोजी केले, तेव्हा त्याचे वय ३८ वर्षे ३२७ दिवस होते.

केन विलियम्सनने निवडली भारताची सर्वोत्तम Test XI