केसांच्या समस्यांवर फायदेशीर 'रोझमेरी वॉटर' बनवा घरच्या घरी!

Rosemary Water

केसांच्या आणि टाळूच्या आरोग्यासाठी रोझमेरी वॉटर (Rosemary Water) अत्यंत लोकप्रिय आणि नैसर्गिक उपाय आहे.

केसांच्या वाढीस प्रोत्साहन

रोझमेरी वॉटरमुळे टाळूमधील रक्ताभिसरण चांगले होण्यास मदत होते, त्यामुळे केसांच्या मुळांना (Hair Follicles) पोषण मिळून केसांच्या वाढीस प्रोत्साहन मिळते.

केसांची मुळं मजबूत

रोझमेरीमध्ये असणारे अँटिऑक्सिडंट्स केसांची मुळं मजबूत करतात आणि त्यांच तुटणं थांबवतात.

टाळूची जळजळ आणि खाज शांत

याशिवाय रोझमेरीमध्ये नैसर्गिक अँटी-मायक्रोबियल आणि अँटी-इंफ्लेमेटरी गुणधर्म असून त्यामुळे टाळूची जळजळ आणि खाज शांत करतात.

घरी बनवणे अगदी सोपे

हे रोझमेरी वॉटर घरच्या घरी बनवणे अगदी सोपे आहे.

साहित्य :

३-४ रोजमेरीच्या ताज्या फांद्या किंवा १-२ चमचे वाळलेली रोझमेरी, २ कप स्वच्छ पाणी, लहान पातेलं, गाळण आणि बॉटल

१५-२० मिनिटे उकळा

रोजमेरीच्या फांद्या धुवून घेऊन छोट्या पातेल्यात पाणी मंद आचेवर उकळायला ठेवून त्यात टाका. पाण्यावर झाकण ठेवून ते १५-२० मिनिटे उकळू द्या.

पाणी थंड होऊ दे

नंतर गॅस बंद करून पातेल्यावरील झाकण तसंच ठेवून हे पाणी थोडं थंड होऊ द्या. पाण्याचा रंग गडद तपकिरी किंवा नारंगी होईल.

पाणी फ्रीजमध्ये ठेवा

पाणी थंड झाल्यानंतर ते बारीक गाळणीने गाळून एका स्वच्छ बॉटलमध्ये भरून ठेवा. हे पाणी फ्रीजमध्ये ठेवा.

७-१० दिवस टिकते

हे पाणी साधारण ७-१० दिवस टिकते. पण जर पाण्याचा वास बदलला किंवा खराब झाल्यासारखं वाटलं तर पाणी वापरू नका.

पॅच टेस्ट

हे पाणी केस धुण्यापूर्वी अर्धा ते एक तासआधी टाळूला आणि केसांना लावता येते. पण वापरण्यापूर्वी पॅच टेस्ट नक्की करा.

डिस्क्लेमर :

सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.

हिवाळ्यात कमी पाण्यात येणारी प्रमुख ५ पिके