kimaya narayan
अभिनेता सैफ अली खानवर घरातच जीवघेणा हल्ला झाला. या हल्ल्यात अज्ञात चोराने त्याच्या पाठीत चाकू खुपसला.
या वारामुळे सैफच्या मणक्याला दुखापत झाली आहे. ज्याला वैद्यकीय भाषेत थोरॅसिक स्पायनल कॉड इंजुरी (Thoracic Spine Cord Injury) असं म्हटलं जातं.
या दुखापतीतून सैफ थोडक्यात बचावला आहे. डॉक्टरांना त्याच्या मणक्यात घुसलेलं सुरीचं पातं काढण्यात यश मिळालं आहे. पण जर त्याचा मणका फ्रॅक्चर झाला असता तर त्याचे परिणाम गंभीर असते.
एखाद्या अपघातात तुमचा मणका फ्रॅक्चर झाला तर त्याचे गंभीर परिणाम होऊ शकतात. तुम्ही तुमची चालण्याचीही शक्ती गमावून बसू शकता.
मणका फ्रॅक्चर झाला तर तर गुप्तांग आणि गुद्वारावरील शरीराचं नियंत्रण नष्ट होतं. हे दोन्ही भाग संवेदनाहिन होतात. इतकंच नाही तर लघवी आणि शौचावरील नियंत्रण व्यक्ती गमावून बसू शकते.
जर ही इजा गंभीर स्वरूपाची असेल तर शरीरावरील नियंत्रण नष्ट होते. माणूस चालताना पडू शकतो किंवा त्याच्या पायातील शक्ती कायमस्वरूपी जाऊ शकते.