सकाळ डिजिटल टीम
बॉलिवूडचा बादशाह शाहरुख खानचा गाजलेला एक सिनेमा म्हणजे डर.
जुही चावला, सनी देओल आणि शाहरुख खान यांची 'डर' या सिनेमात मुख्य भूमिका होती. या सिनेमात शाहरुखने साकारलेल्या सणकी व्यक्तीची भूमिका गाजली होती.
शाहरुखचा या सिनेमातील 'क...क...किरण' डायलॉग खूप गाजला होता. पण तुम्हाला माहितीये का ? शाहरुखने हा डायलॉग म्हणण्याची शैली बॉलिवूडमधील प्रसिद्ध दिग्दर्शकाकडून उचलली आहे.
अभिनेत्री जुही चावलाने एका मुलाखतीमध्ये हा किस्सा शेअर केला. बॉलिवूडमधील प्रसिद्ध दिग्दर्शक आणि निर्माते यश चोप्रा हे बोलताना हे अडखळायचे.
शाहरुखने ही गोष्ट नोटीस केली आणि त्याने जुहीला सांगितलं कि, कधी ना कधी तो हे वापरणार आहे. त्याने ही गोष्ट 'डर' या सिनेमात वापरली आणि हा संवाद चांगलाच गाजला.
शाहरुखचा हा डायलॉग आजही लोकप्रिय आहे.