शेवग्याच्या पानांची चटणी खाल्ली का? रेसिपी एकदा पाहाच!

शेवग्याच्या पानांची चटणी

शेवग्याच्या शेंगांची भाजी तर तुम्ही अनेकदा खाल्ली असेल. पण तुम्ही कधी शेवग्याच्या पानांची चटणी खाल्ली आहे का? ही चटणी चवीला झणझणीत असून झटपट तयार होते.

साहित्य

एक वाटी शेवग्याची पाने, २-३ चमचे हरभरा डाळ, २ चमचे शेंगदाणे आणि ३-४ लाल मिरच्या घ्या. यासोबत लसूण, कढीपत्ता, जिरे, धने, चिंच, मीठ आणि थोडी हळद घ्या.

भाजून

कढईत थोडं तेल गरम करून त्यात हरभरा डाळ आणि शेंगदाणे घाला. त्यात धने-जिरे टाकून सगळं खमंग भाजून घ्या.

लसूण मिरची

आता त्यात लसूण, कढीपत्ता आणि सुक्या लाल मिरच्या घाला. हे मिश्रण थोडं परतून घेतलं की चटणीला छान चव येते.

शेवग्याची पाने घाला

आता स्वच्छ धुतलेली शेवग्याची पाने कढईत टाका. त्यात हिंग, मीठ आणि थोडी चिंच किंवा आमचूर पावडर घाला.

पाने चांगली परतून घ्या

सगळं मिश्रण मंद आचेवर काही मिनिटं परतून घ्या. पानांचा कच्चेपणा जाईपर्यंत ते व्यवस्थित शिजू द्या.

मिश्रण

परतलेलं मिश्रण एका ताटात काढून थोडं थंड होऊ द्या. गरम असतानाच मिक्सरमध्ये वाटू नका.

चटणी वाटून घ्या

मिश्रण मिक्सरमध्ये घालून जाडसर वाटून घ्या. तयार झालेली चटणी भाकरी, पोळी किंवा गरम भातासोबत खाऊ शकता.

केळी अन् तूप एकत्र का खावे?