Monika Lonkar –Kumbhar
तुम्ही त्वचेसाठी कोणत्या प्रकारचे स्किनकेअर प्रॉडक्ट्स खरेदी करायला हवेत? हे जाणून घेण्यापूर्वी तुम्ही तुमची त्वचा कोणत्या प्रकारची आहे? हे माहित करून घेणे जास्त महत्वाचे आहे.
आपली त्वचा कोणत्या प्रकारची आहे? हे जाणून घेण्याची सर्वात सोपी पद्धत म्हणजे ‘थांबा आणि पाहा’ होय. या पद्धतीमध्ये सर्वात आधी हलक्या क्लिंझरच्या मदतीने तुमचा चेहरा धुवा. त्यानंतर, चेहरा कोरडा करा. आता कोणतेही प्रॉडक्ट चेहऱ्यावर न वापरता ३० मिनिटे प्रतिक्षा करा.
जर ३० मिनिटांनंतर तुमची त्वचा ही चमकदार दिसत असेल तर, तुमची त्वचा ही तेलकट प्रकारची आहे.
जर ३० मिनिटांनंतर तुमची त्वचा कोरडी किंवा निस्तेज वाटत असेल तर तुमची त्वचा कोरडी आहे.
जर तुमच्या त्वचेवरील चमक ही फक्त कपाळ आणि नाकाजवळ आहे. मात्र, इतर भागातील त्वचा चकचकीत असेल तर तुमची त्वचा मिश्र (Combination Skin) प्रकारची आहे.
या उलट ३० मिनिटांनंतर तुमची त्वचा आरामदायक आणि फ्रेश वाटत असेल तर तुमची त्वचा सामान्य (Normal Skin) आहे.
तुमच्या रोजच्या स्किनकेअर रूटीनमध्ये क्लिंझर,टोनर, मॉईश्चरायझर आणि त्वचेसाठी सीरमचा वापर करायला विसरू नका. या रूटीनमुळे तुमच्या त्वचेची खास काळजी घेतली जाईल.