Sudesh
दक्षिण कोरिया देशात एक नवीन कायदा पारित करण्यात आला आहे.
या कायद्यानुसार आता देशामध्ये कुत्र्यांची हत्या आणि मांस विक्रीवर बंदी घालण्यात आली आहे.
हा कायदा आत्ता पारित झाला असला, तरी तो 2027 सालापासून लागू होणार आहे.
कुत्र्याचं मांस विकणाऱ्या दुकानांना आणि हॉटेल चालकांना इतर पर्याय शोधण्यासाठी हा तीन वर्षांचा वेळ देण्यात आला आहे.
एका आकडेवारीनुसार 2023 साली दक्षिण कोरियामध्ये कुत्र्याचं मांस विकणारे सुमारे 1,600 हॉटेल होते.
यासोबतच देशात सध्या 1,150 डॉग फार्म आहेत, जिथे मांसासाठी श्वान पाळले जातात. या सर्वांना सरकार दुसऱ्या व्यवसायासाठी मदत पुरवणार आहे.
कुत्र्याचं मांस वापरून तयार केलेल्या डिशचं नाव बोशिनतांग असं आहे.
कित्येक वयोवृद्ध कोरियन व्यक्ती अजूनही ही डिश आवडीने खातात. मात्र, तरुणांमध्ये ही डिश आजिबात लोकप्रिय नाही.