Sudesh
दक्षिण कोरियाच्या वैज्ञानिकांनी एक मोठी कामगिरी करून दाखवली आहे.
या वैज्ञानिकांनी न्यूक्लिअर फ्यूजन टेक्नॉलॉजी वापरुन एक कृत्रिम सूर्य तयार केला होता.
या सूर्याने आता सर्वाधिक काळ 10 कोटी डिग्री सेल्सिअस एवढं उच्च तापमान कायम ठेवण्याचा विश्वविक्रम केला आहे.
हे तापमान आपल्या सूर्याच्या कोअरपेक्षा सात पटींनी अधिक असल्याचं वैज्ञानिकांनी सांगितलं आहे.
न्यूक्लिअर फ्युजनमध्ये तब्बल 48 सेकंदांपर्यंत हे तापमान कायम ठेवण्यात संशोधकांना यश मिळालं.
भविष्यात या कृत्रिम सूर्याच्या माध्यमातून मोठ्या प्रमाणात उर्जा निर्मिती होऊ शकते, हे या संशोधनामुळे सिद्ध झालं आहे. त्यामुळे हे एक मोठं यश मानलं जात आहे.
यामुळे जगावरचं उर्जेचं संकट संपुष्टात येण्यात मदत होईल. 2026 सालापर्यंत कमीत कमी 300 सेकंदांपर्यंत हे उच्च तापमान कायम ठेवण्याचं वैज्ञानिकांचं लक्ष्य आहे.